CM Bhupesh Baghel ह राजिम विधानसभा क्षेत्र ल 68 करोड़ 59 लाख 93 हजार रुपिया के विकास काम के दीन सौगात

जय जोहार। सीएम भूपेश बघेल (CM Bhupesh Baghel ) ह भेंट-मुलाकात कार्यक्रम के दउरान राजिम म आयोजित कार्यक्रम म क्षेत्र बर 68 करोड़ 59 लाख 93 हजार रुपिया के लागत के 203 विकास काम के सौगात दीन, जेमा 57 करोड़ 81 लाख 71 हजार रुपिया लागत के 167 काम के भूमिपूजन अउ 10 करोड़ 78 लाख रुपिया लागत के 36 काम के लोकार्पण सामिल हे।  

भूमिपूजन होवइया काम म विद्युत विभाग अंतर्गत 151 लाख 16 हजार रुपिया लागत के 1 काम, लोक निर्माण विभाग के 13 करोड़ 41 लाख 36 हजार रुपिया लागत के 7 काम, जल संसाधन विभाग के 7 करोड़ 65 लाख 91 हजार रुपिया लागत के 3 काम, प्रधामंत्री ग्राम सड़क योजना के 6 करोड़ 71 लाख 23 हजार रुपिया लागत के 8 काम, लोक स्वास्थ्य यांत्रिकी विभाग के 16 करोड़ 59 लाख 61 हजार रुपिया लागत के 17 काम, नगर पालिका गरियाबंद अंतर्गत 3 करोड़ 82 लाख 60 हजार रुपिया लागत के 33 काम, नगर पंचायत राजिम के 2 करोड़ 89 लाख 56 हजार रुपिया लागत के 48 काम सामिल हे । 

   लोकार्पित होवइया काम म लोक निर्माण विभाग के 5 करोड़ 58 लाख रुपिया लागत के 5 काम,  वन विभाग अंतर्गत 1 करोड़ 51 लाख रुपिया लागत के 4 काम, स्वास्थ्य विभाग के 74 लाख रुपिया लागत के 2 काम, आदिवासी विकास विभाग के 1 करोड़ 62 लाख रुपिया लागत के 1 काम, जनपद पंचायत गरियाबंद अंतर्गत 16 लाख रुपिया के 3 काम, जनपद पंचायत छुरा अंतर्गत 64 लाख रुपिया लागत के 11 काम अउ जनपद पंचायत फिंगेश्वर अंतर्गत 50 लाख रुपिया लागत के 10 काम सामिल हे ।