जय जोहार । (Raipur ) प्रदेस के पांच ठीन सिंचाई परियोजना के काम ल पूरा कराय बर 26 करोड दो लाख एक हजार रुपिया के स्वीकृति दे गेहे । ए योजना के काम पूरा होय ले 03 हजार 501 हेक्टेयर क्षेत्र म सिंचाई सुविधा मिलही । राजनांदगांव जिला के विकासखण्ड-डोंगरगढ़ के छीपा व्यपर्वतन नहर लाइनिंग काम बर पांच करोड़ 97 लाख 21 हजार रुपिया स्वीकृत करे गेहे । ए योजना के पूरा होय ले 555 हेक्टेयर क्षेत्र म सिंचाई सुविधा मिल सकही ।
रायपुर (Raipur ) जिला के विकासखण्ड-अभनपुर के कोल्हान नाला म तर्रा स्टापडेम निर्माण काम बर तीन करोड़ 72 लाख 41 हजार रुपिया स्वीकृत करे गेहे । ए योजना के काम पूरा होय ले 49 हेक्टेयर क्षेत्र म सिंचाई सुविधा मिलही। विकासखण्ड-धरसींवा के बुडेरा जलासय नहर लाइनिंग अउ जीर्णोद्धार काम बर एक करोड़ 34 लाख 98 हजार रुपिया स्वीकृत करे गेहे। ए योजना के काम पूरा होय ले 125 हेक्टेयर क्षेत्र म सिंचाई सुविधा मिलही ।
(Raipur ) बलौदाबाजार-भाटापारा जिला के विकासखण्ड-भाटापारा के सोंढूर परियोजना के भाटापारा शाखा नहर के वितरक नहर अउ सेमरिया माईनर के रिसेक्शनिंग अउ सी.सी लाईनिंग काम बर बारह करोड़ 64 लाख 39 हजार रुपिया स्वीकृत करे गेहे। ए योजना के काम पूरा होय ले 2532 हेक्टेयर क्षेत्र म सिंचाई सुविधा मिलही। विकासखण्ड-सिमगा के टीथीडीह जलासय योजना के जीर्णोद्धार अउ नहर लाईनिंग काम बर दो करोड़ 33 लाख 02 हजार रुपिया स्वीकृत करे गेहे । ए योजना के काम पूरा होय ले 240 हेक्टेयर क्षेत्र म सिंचाई सुविधा मिलही।
No Comment! Be the first one.