जय जोहार। (Raipur) मुख्यमंत्री भूपेश बघेल ह आज राजधानी रायपुर के पुलिस परेड मैदान म आयोजित स्वतंत्रता दिवस के राज्य स्तरीय समारोह म आर्थिक गतिविधि कुसल संचालन अउ उत्कृष्ट काम बर प्रदेस के तीन स्वावलंबी गौठान ल सम्मानित करीन । मुख्यमंत्री ह ए तीन गौठान ल 50-50 हजार रुपिया के प्रोत्साहन रासि , स्मृति चिन्ह अउ प्रसस्ति पत्र प्रदान कर सम्मानित करीन ।
दुर्ग जिला के पाटन विकासखण्ड के केसरा गौठान, रायपुर (Raipur) जिला के आरंग विकासखण्ड के चटौद गौठान अउ कांकेर जिला के कोयलीबेड़ा के डोन्डे, हरनगढ़ गौठान ल सम्मानित करे गेहे। ए तीन गौठान के गौठान समिति के अध्यक्ष कनक सोनी, तिलक वर्मा अउ विष्णु साहू ह अपन-अपन गौठान डहार ये सम्मान ग्रहण करीन ।
(Raipur) सुराजी गांव के अंतर्गत राज्य स्तरीय गोधन न्याय सेल म योजना के संचालन, क्रियान्वयन अउ समन्वय म उत्कृष्ट काम बर चार अधिकारी मन ल घलो सम्मानित करे गीन। एमा कृषि विभाग के संयुक्त संचालक रामलखन खरे, ओएसडी डॉ. मौसम मेहरा, सहायक संचालक चंदन राय अउ चिप्स के वरिष्ठ सलाहकार नीलेश सोनी सामिल हे । मुख्यमंत्री ह एमन ल प्रसस्ति पत्र अउ स्मृति चिन्ह प्रदान कर सम्मानित करीन ।
No Comment! Be the first one.