Raipur : भक्त माता कर्मा जयंती कार्यक्रम म वर्चुअली सामिल होइन सीएम, 145 ठन विकास काम के करीन वर्चुअल लोकार्पण अउ भूमिपूजन
जय जोहार । (Raipur) सीएम भूपेश बघेल ह वर्चुअल माध्यम ले कोंडागांव जिला म 154 करोड़ रुपिया ले जादा के 145 ठन विकास काम के लोकार्पण अउ भूमिपूजन करीन ।
सीएम भूपेश बघेल ह आज इंहा अपन निवास कार्यालय ले कोंडागांव जिला के ग्राम बांसकोट (बड़ेराजपुर ) म आयोजित भक्त माता कर्मा जयंती अउ मुख्यमंत्री कन्या विवाह कार्यक्रम म वीडियो कांफ्रेंसिंग ले सामिल होइन। ए अवसर म पारंपरिक, सांस्कृतिक धरोहर स्थल देवगुड़ी, मातागुड़ी अउ घोटुल के भूमि ल संरक्षित रखे बर 436 सामुदायिक वन अधिकार पत्र प्रदान करे गेहे । संगेसंग साहू समाज के प्रतिभावान युवा।ल घलो सम्मानित करे गीन ।
मुख्यमंत्री निवास ले गृह मंत्री ताम्रध्वज साहू, उद्योग मंत्री कवासी लखमा, महिला अउ बाल विकास मंत्री अनिला भेंडिया, छत्तीसगढ़ तेलघानी विकास बोर्ड के अध्यक्ष संदीप साहू, लोकगायिका आरु साहू अउ लोकसभा सांसद दीपक बैज, विधानसभा उपाध्यक्ष सन्तराम नेताम, विधायक चंदन कश्यप उपस्थित रिहीन ।
