जय जोहार। सीएम भूपेश बघेल (CM Bhupesh Baghel) ह बुधवार के जगदलपुर सहर के तीर लामनी पक्षी विहार के लोकार्पण करीन । लगभग 2 करोड़ 46 लाख 30 हजार रुपिया के लागत ले पक्षी विहार के निर्माण करे गेहे । जेमा 450 प्रकार के प्रजाति के पक्षी के बसेरा होही ।
छत्तीसगढ़ के वन अउ जलवायु परिवर्तन विभाग, एनएमडीसी अउ एससीए डहार ले जैव विविधता संरक्षण विकास अउ प्रसिक्षण केंद्र बर्ड एवेरी (चिड़िया घर) डहार ले एखर निर्माण करे गेहे ।
पक्षी विहार के लोकार्पण समारोह म लोकसभा सांसद दीपक बैज, राज्यसभा सांसद फुलोदेवी नेताम, संसदीय सचिव रेखचंद जैन, छत्तीसगढ़ राज्य हस्तशिल्प विकास बोर्ड अध्यक्ष अउ विधायक चंदन कश्यप, विधायक चित्रकोट राजमन बेंजाम, इंद्रावती बेसिन विकास प्राधिकरण के उपाध्यक्ष राजीव शर्मा, छत्तीसगढ़ राज्य अक्षय ऊर्जा विकास अभिकरण (क्रेडा) के अध्यक्ष मिथिलेश स्वर्णकार, छत्तीसगढ़ राज्य मछुआ कल्याण बोर्ड के अध्यक्ष एमआर निषाद, छत्तीसगढ़ कृषक कल्याण बोर्ड अध्यक्ष सदस्य जानकी राम सेठिया, अध्यक्ष जनपद पंचायत जगदलपुर अनिता पोयाम उपस्थित रिहीन ।
No Comment! Be the first one.