जय जोहार। (chhattisgarh) मुख्यमंत्री भूपेश बघेल ह मंगलवार के राजिम म नवनिर्मित लक्ष्मण झूला ल मनखे मन ल समर्पित करीन । ए झूला ले राजिम के राजीव लोचन मंदिर ले कुलेश्वर महादेव मंदिर अउ लोमश ऋषि आश्रम आपस म जुड़ जाही। धार्मिक अउ आध्यात्मिक नगरी के रूप म प्रसिद्ध राजिम बर लक्ष्मण झूला एक ठीन बड़का सौगात हे ।
(chhattisgarh) मुख्यमंत्री श्री बघेल ह 33.12 करोड़ रुपिया के लागत ले तैयार करे ए बहुप्रतिक्षित लक्ष्मण झूला ल समर्पित करत हुये अंचल के मनखे मन ल बधाई अउ सुभकामना दीन । वो हा किहीन कि ए झूला ले राजिम पुन्नी मेला ल अउ भव्यता मिलही । एखर ले इहां अवइया पर्यटक अउ श्रद्धालु मन ल सुविधा मिलही।
उल्लेखनीय हे कि पर्यटक मन ल राजीव लोचन मंदिर ले कुलेश्वर महादेव मंदिर या लोमष ऋषि आश्रम ले कुलेश्वरनाथ महादेव मंदिर तक पहुंचे बर पैदल मार्ग ले ही नदी पार कर जाना पड़त रिहीन, जेन बरसात के दिन म अत्यंत जोखिमभरा रिहीन। (chhattisgarh) महानदी पर निर्मित ये ब्रिज अपन वास्तुकला के सेती आकर्षक हे, एमा रोशनी बर आधुनिक अउ सुसज्जित प्रकाश व्यवस्था हे । जेखर सेती रात के घलो पर्यटक मन के आवागमन सुगमता ले हो सकत हे।
No Comment! Be the first one.