Raipur : मुख्यमंत्री ह करीन ‘विधिक जागरूकता प्रशिक्षण शिविर सह कार्यशाला’ के शुभारंभ
जय जोहार । (Raipur) मुख्यमंत्री भूपेश बघेल ह आज पं.दीनदयाल उपाध्याय ऑडिटोरियम म छत्तीसगढ़ राज्य महिला आयोग डहार ले आयोजित ‘विधिक जागरूकता प्रशिक्षण शिविर सह कार्यशाला’ के शुभारंभ करीन । ए अवसर म महिला अउ बाल विकास मंत्री अनिला भेंड़िया, छत्तीसगढ़ राज्य महिला आयोग के अध्यक्ष डॉ. किरणमयी नायक अउ छत्तीसगढ़ बाल संरक्षण आयोग के अध्यक्ष तेजकुंवर नेताम घलो उपस्थित रिहीन ।
मुख्यमंत्री ह प्रशिक्षण शिविर सह कार्यशाला के छत्तीसगढ़ महतारी के छायाचित्र म माल्यार्पण, दीप प्रज्वलन अउ राज्यगीत के संग शुभारंभ करीन । ए अवसर म मुख्यमंत्री के स्वागत राजकीय गमछा अउ औषधीय महत्व के सीता अशोक के पौधा ले करे गीन । ए अवसर म मुख्यमंत्री ह महिला आयोग के स्मारिका अउ ऑनलाइन शिकायत बर बनाए गे मोबाइल एप “छत्तीसगढ़ राज्य महिला आयोग” लॉन्च करीन । ए मउका म मुख्यमंत्री न सबो मनखे मन ल महिला के अधिकार सम्पन्न, सुरक्षित, सशक्त बनाए के शपथ दिलाइन ।
