जय जोहार । सीएम भूपेश बघेल (CM Bhupesh Baghel) ह आज कांकेर ले वीडियो कॉन्फ्रेसिंग ले बिलासपुर ले भोपाल बर विमान सेवा के सुभारंभ करीन । सीएम ह चकरभाठा स्थित बिलासा देवी केंवट एयरपोर्ट म आयोजित ए कार्यक्रम म वर्चुअल रूप ले सामिल होके विमान सेवा ल हरी झण्डी दिखाइन।
कार्यक्रम के अध्यक्षता ल राजस्व मंत्री अउ बिलासपुर जिला के प्रभारी मंत्री जयसिंह अग्रवाल ह करीन। मुख्यमंत्री ह बिलासपुर-भोपाल-बिलासपुर विमान सेवा के सुरु होय म बिलासपुर समेत प्रदेस वासी मन ल बधाई अउ सुभकामना दीन। मुख्यमंत्री ह किहीन कि ए नवा सेवा के लाभ पूरा छत्तीसगढ़ ल मिलही। खासकर उत्तर छत्तीसगढ़ म हवाई सेवा मजबूत होही।
बिलासपुर एयरपोर्ट ले सुरु होवइया ये दुसरइया फ्लाइट हे, एखर पाहिले 1 मार्च 2021 ले दिल्ली-जबलपुर-बिलासपुर-प्रयागराज सेक्टर म नियमित घरेलू विमान सेवा के सुरुवात करे गेहे।
No Comment! Be the first one.