जय जोहार। सीएम भूपेश बघेल (CM Bhupesh Baghel) ह नवा रायपुर म महात्मा गांधी के सपना के अनुरूप बनइया ‘गांधी सेवा ग्राम‘ स्थल के निरीक्षण करीन । नवा-रायपुर म बनइया सेवा ग्राम बर 75 एकड़ के जमीन चिन्हांकित करे गेहे । एला ग्रामीण परिवेश के रूप म विकसित करे जाही ।
गौरतलब हे कि लोक सभा सांसद राहुल गांधी ह 3 फरवरी 2022 के राजधानी रायपुर के साइंस कॉलेज मैदान म आयोजित कार्यक्रम म गांधी सेवा ग्राम के आधारशिला रखे रिहीन । सेवा ग्राम म छत्तीसगढ़ के परंपरागत ग्रामीण भवन शैली के झलक दिखही । निर्माण काम म स्थानीय स्तर म उपलब्ध सामग्री के उपयोग होही । इंहा के सड़क घलो ग्रामीण परिवेश के अनुरूप होही ।
सेवा ग्राम तक पूरा क्षेत्र हरियाली ले भरपूर रही। सेवा-ग्राम के निर्माण म मिट्टी, चूना, पत्थर जइसे प्राकृतिक वस्तु के उपयोग करत हुए करे जाही। सेवाग्राम म गांधीवादी सिद्धांत, ग्रामीण कला अउ शिल्प के केंद्र विकसित करे जाही। इंहा छत्तीसगढ़ के लोक कला ल प्रोत्साहन संग वृद्धाश्रम अउ वंचित बर स्कूल घलो स्थापित करे जाही ।
No Comment! Be the first one.