chhattisgarh : मुख्यमंत्री भूपेश बघेल ह सुमेरपुर म उप स्वास्थ्य केन्द्र के करीन मुआयना, मरीज मन ल मिलत सुविधा के लीन हे जानकारी
जय जोहार। (chhattisgarh) मुख्यमंत्री भूपेश बघेल ह आज अपन भेंट-मुलाकात अभियान के तहत सूरजपुर जिला के प्रेमनगर विधानसभा क्षेत्र के गांव सुमेरपुर पहुंचीन। मुख्यमंत्री ह सुमेरपुर म हेल्थ एंड वेलनेस सेंटर (उप स्वास्थ्य केन्द्र) के अवलोकन करीन ।
वो हा कम्यूनिटी हेल्थ ऑफिसर अउ एएनएम ले स्वास्थ्य केन्द्र म हरेक दिन इलाज बर अवइया मरीज मन के संख्या ल पूछीन। वो हा औसत मासिक ओपीडी के बारे म घलो जानकारी लीन । कम्यूनिटी हेल्थ ऑफिसर ह बताइन कि इहां उपचार बर रोजाना औसत 20-25 मनखे आत हे । हरेक महीना इहां औसत 350-400 ओपीडी होत हे ।
मुख्यमंत्री ह उप स्वास्थ्य केन्द्र म दवा वितरण काउंटर अउ भंडार कक्ष के घलो मुआयना करीन । (chhattisgarh) वो हा जेनेरिक दवा के वितरण, दवाई के उपलब्धता, स्टाक के रखरखाव अउ एक्सपायर्ड दवाई के निपटान के तरीका के घलो जानकारी लीन । मुख्यमंत्री ह स्वास्थ्य कर्मी ल मरीज मन ल बेहतर स्वास्थ्य सुविधा उपलब्ध कराय अउ पूरा जिम्मेदारी के संग अपन दायित्व म निर्वहन करे के निर्देस दीन हे।
