जय जोहार। सीएम भूपेश बघेल (CM Bhupesh Baghel) ले आज ओखर निवास कार्यालय म नॉर्थ अमेरिका छत्तीसगढ़ एसोसिएशन (नाचा) के अध्यक्ष गणेश कर ह सौजन्य मुलाकात करीन । मुख्यमंत्री ल श्री गणेश कर ह नाचा कोती ले बनवाए गे छत्तीसगढ़ी एप ‘छत्तीसकोश’ के लांच कार्यक्रम म बतौर मुख्य अतिथि शामिल होय बर आमंत्रित करीन ।
मुख्यमंत्री ल गणेश कर ह बताइन कि ए एप म अंग्रेजी भाषा के 25000 शब्द के छत्तीसगढ़ी म अनुवाद करे गेहे । संग ही 22 साहित्यकार मन के कहानी, निबंध, उपन्यास आदि के संग्रह घलो एप म उपलब्ध हे । ए एप के लाभ सबो छत्तीसगढ़ी भाषी व भाषा म रुचि रखइया सुधिजन उठा सकही । छत्तीसकोश एप के लांच अवइया 10 जून के राजधानी रायपुर के एक निजी होटल म आयोजित करे जावत हे । मुख्यमंत्री श्री बघेल ह नाचा संगठन ल ‘छत्तीसकोश’ एप के निर्माणबर बधाई देत हुए आमंत्रण बर धन्यवाद दीन । ए अवसर म स्कूल शिक्षा मंत्री डॉ. प्रेमसाय सिंह टेकाम, मुख्यमंत्री के सलाहकार प्रदीप शर्मा सहित अन्य मनखे उपस्थित रिहीन ।
