छत्तीसगढ़ी फिल्म के सुपरस्टारअनुज शर्मा होगे भाजपा म शामिल

जय जोहार…छत्तीसगढ़ी फिल्म के सुपरस्टार अनुज शर्मा ह भारतीय जनता पार्टी के सदस्यता ग्रहण कर लिस, प्राप्त जानकारी के अनुसार फिल्म विकास निगम के पूर्व अध्यक्ष राजेश अवस्थी ह ओमन ल भारतीय जनता पार्टी के कार्यालय म विधिवत भारतीय जनता पार्टी के सदस्यता देवाईस, ये मौका म अनुज शर्मा ह किहिस कि काफी लंबा समय से यह प्रक्रिया चलत रिहिस, ओमन किहिस कि अब वक्त आगे हे जब अपन लाखों चाहने वाला मन के सेवा करे जाए। ओमन चुनाव लडे के सवाल म किहिन कि अगर पार्टी विश्वास जताही त वे निश्चित चुनाव लड़ही अऊ पार्टी ल जीत घलोक दिलाही। गौरतलब है कि अनुज शर्मा एक अइसे चर्चित चेहरा हे जेला पूरा छत्तीसगढ़ म जाने जाथे, ऊंखर फिलिम, ऊंखर गाना, ऊंखर अभिनय आज भी लोगन के सिर चढ़कर बोलथे, अईसे म भारतीय जनता पार्टी ह ओमन ल अपन पार्टी म शामिल करके कोनो गलती नई करे हे।