दंतेवाड़ा म आयोजित मलेरिया मुक्त बस्तर अभियान म शामिल होइस मुख्यमंत्री

जय जोहार रायपुर…. मुख्यमंत्री भूपेश बघेल ह किहिस कि बस्तर दुनिया के सबसे  खूबसूरत जगह म ले एक हे अऊ ओखर ले ज्यादा खूबसूरत इंहा के मनखे मन हे, सब कुछ अच्छा होए के बावजूद इंहा कुछ कमी हे एमा कुपोषण, एनीमिया अऊ मलेरिया प्रमुख हे, ओमन किहिस कि मलेरिया ले पीड़ित होय म श्री म पोषक तत्व के कमी हो जाथे, जेखर ले अऊ बिमारी मन होथे,

अगर हम मलेरिया ऊपर काबू पा लेबो त बस्तर कुपोषण अऊ एनीमिया ले घलो मुक्त हो जाहि, मुख्यमंत्री ह इंहा सब्बो के उपस्थिति म मलेरिया मुक्त बस्तर बर शपथ घलो लिस , ये मौका म मंत्री कवासी लखमा ह घलो गोंडी भाषा म सम्बोधित करिस , स्वास्थ विभाग के सचिव श्रीमती निहारिका बारिक ह मलेरिया मुक्त बस्तर अभियान के जानकारी दिस , ओमन किहिस कि बस्तर म परजीवी सूचकांक सबसे ज्यादा हे, प्रदेश म मलेरिया के प्रकरण म 72 प्रतिशत प्रकरण बस्तर ले आथे , तेखरे सेती ये अभियान के शरुवात बस्तर ले करे गे हे.