जय जोहार…. (chhattisgarh) मुख्यमंत्री भूपेश बघेल ह आज रईपुर के अपन निवास कार्यलय ले वीडियो कॉन्फ्रेंसिंग के माध्यम ले श्री धन्वन्तरी जेनरिक मेडिकल स्टोर योजना के सुभारंभ करीन। सीएम बघेल ह ए योजना के तहत राज्य म 84 दुकान का सुभारंभ करीन।
श्री धन्वन्तरी जेनरिक मेडिकल स्टोर्स ले उपभोक्ता ल सस्ता दर म गुणवत्तापूर्ण दवाई उपलब्ध होही। उपभोक्ता ल दवाई एमआरपी पर न्यूनतम 50.09 प्रतिसत अउ जादातम 71 प्रतिसत छूट के लाभ मिलही।
ए अवसर म (chhattisgarh) मुख्यमंत्री बघेल ह दवाई के होम किट अउ ट्रैवल किट के लोकार्पण घलो करीन। ये किट श्री धन्वंतरी जेनेरिक मेडिकल स्टोर म विक्रय बर उपलब्ध होही। दवाई के होम किट के कीमत 691 रुपिया हे, जैन ए मेडिकल स्टोर म 290 रुपिया अउ ट्रेवल किट जेखर कीमत 311 रुपिया हे, ओ हा 130 रुपिया म उपलब्ध होही।
ए अवसर म (chhattisgarh) नगरीय प्रसासन मंत्री डॉ. शिवकुमार डहरिया, वन मंत्री मोहम्मद अकबर, उद्योग मंत्री कवासी लखमा, स्कूल शिक्षा मंत्री डॉ. प्रेम साय सिंह टेकाम, विधायक मोहन मरकाम, मोहित राम केरकेट्टा, पुरुषोत्तम कंवर, मुख्य सचिव अमिताभ जैन, नगरीय प्रशासन अउ विकास विभाग के सचिव अलरमेलमंगई डी, राज्य सहरी विकास अभिकरण के मुख्य कार्यपालन अधिकारी सौमिल रंजन चौबे उपस्थित रिहीन।
No Comment! Be the first one.