जय जोहार। (chhattisgarh) दंतेवाड़ा म माँ दंतेश्वरी के दर्शन कर मुख्यमंत्री भूपेश बघेल ह ओमन ल ग्यारह किमी लंबी चुनरी ओढ़ाइन अउ दंतेवाड़ा के डेनेक्स के बहिनी मन के नाव विश्व रिकार्ड न दर्ज होगे। एखर पहले नर्मदा मैया ल मंदसौर म 8 किमी लंबी चुनरी ल ओढ़ाई रिहीन । डेनेक्स के 300 महिला मन ह केवल 7 दिन म अपन हुनर ले ये काम कर लीन ।
जब मुख्यमंत्री ह अपन हाथ ले चुनरी ल अर्पित करे ल पहुंचीन त पूरा दंतेवाड़ा शहर म उत्सव सा माहौल रिहीन । (chhattisgarh) पूरा शहर ए सुंदर दृश्य ल देखे ल उमड़ आये रिहीन । मुख्यमंत्री ह ए अवसर म मंदिर म पूजा अर्चना करीन अउ प्रदेश के खुशहाली के कामना करीन । मुख्यमंत्री ह मंदिर परिसर म मावली माता अउ भैरव जी के दर्शन घलो करीन ।
(chhattisgarh) जिला प्रशासन के अधिकारी मन ह बताइन कि डेनेक्स के महिला मन ह जेन चुनरी बनाइन हे, ओखर हुनर ल पूरा देश म जगह मिलही और एखर ले ओखर काम के ख्याति दुनिया भर म फैलही । मुख्यमंत्री ह ए अवसर म मंदिर के पुजारी मन ले घलो संवाद करीन ।
No Comment! Be the first one.