chhattisgarh : सीएम ह किसान मन के हित म करीन बड़का घोसना, समिति अउ गौठान ले वर्मी कम्पोस्ट के कर सकही अग्रिम उठाव

जय जोहार। (chhattisgarh) मुख्यमंत्री भूपेश बघेल ह रविवार संझा अपन निवास कार्यालय म गोधन न्याय योजना के रासि अंतरण कारीकरम के दउरान राज्य के किसान मन के हित म एक ठीन बड़का घोसना करीन। वो हा किहीन कि किसान ह खाद अउ बीज के अग्रिम उठाव के तरह सोसायटी अउ र गौठान ले वर्मी कम्पोस्ट अउ सुपर कम्पोस्ट के घलो अग्रिम उठाव कर सकही ।

मुख्यमंत्री ह ए मउका म गौठान समिति अउ महिला स्व-सहायता समूह ल ओखर गतिविधि के बेहतर संचालन बर एंडवास रासि उपलब्ध कराय के निर्देस घलो देहे। (chhattisgarh) ए मउका म मुख्यमंत्री ह गोधन न्याय योजना के तहत गौठान म गोबर बेचइया पशुपालक ग्रामीण, गौठान समिति अउ महिला स्व-सहायता समूह ल 5 करोड़ 38 लाख रुपिया के रासि के ऑनलाइन अंतरण करीन। मुख्यमंत्री ह किहीन कि ये छत्तीसगढ़ राज्य बर गौरव के बात हे कि हमर मन के गोधन न्याय योजना ल झारखंड राज्य ह जस-के -तस अपन राज्य म लागू करे के निर्णय लेत हुये एला अपन बजट म सामिल करे हे।

ए अवसर म (chhattisgarh) मुख्यमंत्री के सलाहकार प्रदीप शर्मा, छत्तीसगढ़ खनिज विकास निगम के अध्यक्ष गिरीश देवांगन, सचिव कृषि डॉ एस. भारतीदासन, संचालक पशु चिकित्सा सेवाएं श्रीमती चंदन संजय त्रिपाठी अउ आन अधिकारी उपस्थित रिहीन ।