रायपुर । मुख्यमंत्री डॉ. रमन सिंह ले मंगलवार के ऊंखर निवास कार्यालय म मिसेज इंडिया टूरिज्म क्वीन इंटरनेशनल 2018 के विजेता श्रीमती सुचिता तिवारी ह सौजन्य मुलाकात करिस। मुख्यमंत्री डॉ. सिंह ह श्रीमती तिवारी ल प्रतियोगिता म ऊंखर बेहतर प्रदर्शन बर अपन बधाई अऊ शुभकामना दीन। रायपुर निवासी श्रीमती तिवारी ह पाछू महिना म चेन्नई म आयोजित ए प्रतियोगिता म 15 प्रतिभागि मन के बीच ये गौरव हासिल करे हे। श्रीमती तिवारी अवइया अगस्त महिना म मलेशिया म आयोजित होवइया ग्रैंड फिनाले अंतर्राष्ट्रीय प्रतियोगिता म भारत के तरफ ले सामिल होही।
