![Chief Minister Mitan Scheme : घर बइठे जरूरी दस्तावेज प्राप्त करे बर 47 हजार मनखे मन ह कराइन अपाइंटमेंट बुक sds e1672065780366](https://jayjohar.com/wp-content/uploads/2022/12/sds-e1672065780366.jpg)
Chief Minister Mitan Scheme : घर बइठे जरूरी दस्तावेज प्राप्त करे बर 47 हजार मनखे मन ह कराइन अपाइंटमेंट बुक
जय जोहार। छत्तीसगढ़ सासन के मुख्यमंत्री मितान योजना (Chief Minister Mitan Scheme) के तहत शहरी क्षेत्र म मनखे मन ल घर बइठे सासकीय सुविधा उपलब्ध कराए जात हे । ए योजना के तहत अब तक करीबन 47400 मनखे मन ह सासकीय दस्तावेज ल घर म ही प्राप्त करे बर अपाइंटमेंट बुक कराए हे । उहें 37700 ले जादा मनखे मन ह घर बइठे ही अपन जरूरी सासकीय दस्तावेज ल प्राप्त हे ।
मुख्यमंत्री मितान योजना (Chief Minister Mitan Scheme) के अंतर्गत अब तक लगभग 96000 ले जादा मनखे मन ह मितान योजना के टोल फ्री नम्बर 14545 म सम्पर्क कर सासकीय दस्तावेज ल प्राप्त करे के संबंध म जानकारी हासिल करे हे । मुख्यमंत्री भूपेश बघेल के निर्देसन अउ नगरीय प्रसासन विकास विभाग डहार ले नागरिक ल सरकारी दस्तावेज बनवाय बर घर पहुँच सेवा ’मुख्यमंत्री मितान योजना’ के सुरुवात 1 मई 2022 ले प्रदेस के सबो 14 नगर निगम म प्रारंभ करे गे रिहीन ।
मुख्यमंत्री मितान योजना (Chief Minister Mitan Scheme) के अंतर्गत प्राप्त सेवा म जन्म प्रमाण पत्र, जन्म प्रमाण पत्र म सुधार, मृत्यु प्रमाण पत्र, मृत्यु प्रमाण पत्र म सुधार, मूल निवासी प्रमाण पत्र, विवाह पंजीकरण अउ प्रमाण पत्र, आय प्रमाण पत्र, अन्य पिछड़ा वर्ग प्रमाण पत्र, अनुसूचित जाति, अनुसूचित जनजाति प्रमाण पत्र, दुकान अउ स्थापना पंजीकरण संबंधी दस्तावेज, भूमि के रिकार्ड के नकल, भूमि सूचना (भूमि उपयोग), आधार कार्ड पंजीकरण, (5 बछर तक के लईका के ) आधार कार्ड म पता अउ मोबाइल नंबर में सुधार, पैन नम्बर प्राप्त करे बर आवेदन पत्र, पैन अपडेट अउ डूप्लीकेट सेवा घर बइठे मितान सेवा ले प्राप्त करे जा सकत हे ।