भारत के पहिली नालसा विधिक सहायता हेल्प लाईन नंबर के मुख्यमंत्री ह करिस शुभारंभ

जय जोहार रायपुर…. भारत के पहिली नि:शुल्क नालसा लीगल एंड हेल्प लाईन नंबर 15100 के शुरूआत हो गे हे। एखर शुभारंभ रायपुर जिला न्यायालय परिसर म मुख्यमंत्री भूपेश बघेल ह करिस। ये हेल्पलाईन कानूनी सलाह दे बर नि:शुल्क हेल्पलाईन नंबर हे। न्यायालय परिसर म सीएम ह एडीआर भवन अऊ न्याय सदन बर भूमिपूजन करिस।

राष्ट्रीय विधिक सेवा प्राधिकरण (नालसा) के निर्देश म रायपुर म प्रारंभ होइस ये हेल्पलाईन भारत के पहिली समेकित अऊ प्रतिनिधित्व प्रणाली ले आधारित नि:शुल्क विधिक सहायता हेल्प लाईन हे, जेखर मदद लेवइया सब्बो व्यक्तियों ल बेहतर ढंग ले विधिक सलाह अऊ सहायता उपलब्ध कराए जाही।