chhattisgarh : सीएम भूपेश बघेल ह कुनकुरी के हनुमान टेकरी मंदिर म करीन पूजा-अर्चना, पढ़व

जय जोहार। (chhattisgarh ) मुख्यमंत्री भूपेश बघेल ह आज कुनकुरी हनुमान टेकरी के भगवान हनुमान मंदिर म पूजा-अर्चना कर प्रदेस वासी मन के खुसहाली के प्रार्थना करीन। एखर बाद सीएम ह मंदिर परिसर म पीपल के पौधा घलो लगाइन । कुनकुरी म ए हनुमान मंदिर के स्थापना 2006 म करे गे रिहीस। मुख्यमंत्री इहां मंदिर ट्रस्ट के मनखे मन ले घलो मिलीन।

कुनकुरी म हनुमान टेकरी मंदिर ह पत्थलगांव सड़क रद्दा म लगभग 200 मीटर ऊंचा पहाड़ म स्थित है, मंदिर के व्यवस्थापक रमेश बजाज ह बताइन कि हनुमान जी के सिला रूप म स्वयंभू मूर्ति हे । मंदिर के गर्भगृह म पहुंचके मुख्यमंत्री ह प्रदेस वासी मन के खुसहाली, अमन चैन बर वैदिक मंत्रोच्चार के संग पूजा अउ प्रार्थना करीन ए अवसर म स्थानीय विधायक यू.डी. मिंज अउ पत्थलगांव विधायक रामपुकार सिंह घलो मुख्यमंत्री के संग रिहीन ।