chhattisgarh : सीएम ह करीन तीन योजना के हितग्राही मन ल 1866.39 करोड़ रुपिया के भुगतान
जय जोहार। (chhattisgarh ) मुख्यमंत्री भूपेश बघेल ह आज निवास कार्यालय म वीडियो कान्फ्रेंसिंग के माध्यम ले राज्य सरकार के तीन महत्वाकांक्षी योजना राजीव गांधी किसान न्याय योजना, गोधन न्याय योजना अउ राजीव गांधी ग्रामीण भूमिहीन कृषि मजदूर न्याय योजना के तहत हितग्राही मन के खाता म 1866 करोड़ 39 लाख रुपिया के रासि ऑनलाइन अंतरित करीन।
मुख्यमंत्री ह ’राजीव गांधी किसान न्याय योजना’ के बछर 2021-22 के तीसरइया किस्त के रूप म प्रदेस के 23 लाख 99 हजार 615 किसान मन ल 1745 करोड़ रुपिया , ’राजीव गांधी ग्रामीण भूमिहीन कृषि मजदूर न्याय योजना’ के तहत वित्तीय बछर 2022-23 के रासि के रूप म 4 लाख 66 हजार 880 हितग्राही मन ल 115 करोड़ 80 लाख 32 हजार रुपिया अउ गोधन न्याय योजना के हितग्राही मन ल 5 करोड़ 59 लाख रुपिया के रासि के ऑनलाईन भुगतान करीन ।
ए अवसर म (chhattisgarh ) मुख्यमंत्री ह किहीन कि दीपावली के तिहार नजदीक हे। आप मन सबो के खाता म रासि आय ले तिहार अच्छा ले मना सकही । राजीव गांधी किसान न्याय योजना, गोधन न्याय योजना अउ राजीव गांधी ग्रामीण भूमिहीन कृषि मजदूर न्याय योजना के हितग्राही मन ल लगभग 1900 करोड़ के रासि अंतरित करे गेहे , जेखर ले प्रदेस के किसान, मजदूर, पशुपालक, स्व सहायता समूह के महिला अउ गौठान समिति ल लाभ प्राप्त होही ।
बइठक म मंत्री रविन्द्र चौबे, टी.एस.सिंह देव, ताम्रध्वज साहू, मोहम्मद अकबर, प्रेमसाय सिंह टेकाम, कवासी लखमा, डॉ.शिवकुमार डहरिया, अमरजीत भगत, जयसिंह अग्रवाल, अनिला भेंड़िया, गुरू रूद्र कुमार, उमेश पटेल, मुख्यमंत्री के कृषि सलाहकार प्रदीप शर्मा, मुख्य सचिव अमिताभ जैन, कृषि उत्पादन आयुक्त डॉ.कमलप्रीत सिंह, मुख्यमंत्री के सचिव सिद्धार्थ कोमल सिंह परदेशी, डॉ. एस.भारतीदासन, अंकित आनंद, उपसचिव सौम्या चौरसिया उपस्थित रिहीन ।
