CM Bhupesh Baghel ह बाबा साहब अम्बेडकर के पुण्यतिथि म करीन नमन

जय जोहार । सीएम भूपेश बघेल (CM Bhupesh Baghel) ह संविधान निर्माता अउ स्वतंत्र भारत के पहिला विधि अउ न्याय मंत्री भारत रत्न बाबा साहब डॉ. भीमराव अम्बेडकर के 6 दिसम्बर के पुण्यतिथि म ओमन ल नमन करे हे । सीएम श्री बघेल ह किहीन कि बाबा साहब बहुआयामी व्यक्तित्व के धनी रिहीन । कई ठीन भाखा के जानकार होय के संग ही विधिवेत्ता, अर्थशास्त्री, समाज सुधारक अउ कुशल राजनीतिज्ञ घलो रिहीन ।

वोहा सामाजिक भेदभाव अउ छूआ-छूत के विरूद्ध अभियान चलाइन अउ सबो बर समान अधिकार, स्वतंत्रता अउ व्यवहार के वकालत करिन । संविधान सभा के प्रारूप समिति के अध्यक्ष के रूप म वोहा भारत ल संविधान के रूप म एक मजबूत नींव दीन, जेमा विविधता ले भरे हमर मन के देस आज एकजुट होके प्रगति के राह म आगू बढ़त हे ।

सीएम भूपेश बघेल (CM Bhupesh Baghel) ह किहीन कि भारतीय संविधान के विसेसता के सेती ही एक संपूर्ण प्रभुत्व लोकतंत्रात्मक गणराज्य के रूप न भारत अपन विसेस पहचान बना सके हे । बाबा साहब के देस बर करे गे योगदान अतुलनीय हे , जेला हमेसा याद करे जाही ।