CM Bhupesh Baghel ह महात्मा ज्योतिबा फुले के जयंती म करीन नमन
जय जोहार। मुख्यमंत्री भूपेश बघेल (CM Bhupesh Baghel) ह आज अपन निवास कार्यालय म समाज सुधारक, विचारक, लेखक अउ दार्शनिक महात्मा ज्योतिबा फुले के जयंती म ओखर छायाचित्र म पुष्प अर्पित कर ओमन ल नमन करीन। ए अवसर म कृषि मंत्री रविंद्र चौबे घलो उपस्थित रिहीन ।
सीएम श्री बघेल ह अपन संदेस म किहीन कि ज्योतिबा फुले जी ह महिला अउ दलित के उत्थान बर कई ठन काम करीन। दलित के प्रति भेद-भाव समाप्त कर ओमन ह समाज म स्थान दिलाए बर महात्मा फुले ह सत्यशोधक समाज के स्थापना करीन । वोहा न सिरिफ महिला शिक्षा ल बढ़ावा देहे , बल्कि अपन धर्मपत्नी सावित्रीबाई फुले ल घलो शिक्षा दिलाईन, जेखर ले वे भारत के पहला अध्यापिका बनीन।
मुख्यमंत्री श्री बघेल ह किहीन कि महात्मा फुले ह समाज ल अंधविश्वास अउ कुप्रथाओं ले मुक्त करना चाहत रिहीस । वोहा समाज ल कुरीति ले मुक्ति दिलाए बर सबो वर्ग के शिक्षा म बल दीन । मुख्यमंत्री ह किहीन कि महात्मा ज्योतिबा फुले के जिनगी अउ विचार मूल्य हमन ल मानवता के सेवा बर प्रेरित करत रही ।
