CM Bhupesh Baghel ह माखनलाल चतुर्वेदी के पुण्यतिथि म करीन नमन

जय जोहार। सीएम भूपेश बघेल (CM Bhupesh Baghel) ह प्रसिद्ध कवि, लेखक अउ पत्रकार ’पद्मभूषण’ माखनलाल चतुर्वेदी के 30 जनवरी के पुण्यतिथि म ओमन ल नमन करीन हे । सीएम श्री बघेल ह माखनलाल चतुर्वेदी के देस बर योगदान अउ ओखर रचना ल याद करत हुए किहीन कि माखनलाल जी ह अपन प्रभावशाली लेखनी ले मनखे मन म राष्ट्र प्रेम के भावना ल जागृत करीन अउ ओमन ल आजादी के लड़ाई म सक्रीय सहयोग बर प्रेरित करीन।

आजादी के लड़ाई के दउरान माखनलाल चतुर्वेदी ह कई घांव जेल गीन। ओखर रचना म प्रकृति प्रेम के संग त्याग, बलिदान अउ देश भक्ति के अनूठा संगम दिखाई देत हे । ओखर डहार ले स्वतंत्रता संग्राम के दउरान बिलासपुर के सेन्ट्रल जेल म लिखे गे लोकप्रिय रचना पुष्प के अभिलाषा एखर सुंदर उदाहरण हे । सीएम श्री बघेल ह किहीन कि माखनलाल चतुर्वेदी जी के साहित्य अउ देस के लिए अमूल्य योगदान मनखे मन ल हमेसा प्रेरित करत रही ।