Raipur : प्रधानमंत्री नरेंद्र मोदी ह रायगढ़ के मिलेट कैफे ल सराहीन

जय जोहार। रायगढ़ के नटवर स्कूल के तीर एक ठीन मिलेट कैफे चलत हे । ए कैफे म रागी, कोदो, कुटकी जइसे मोटाअनाज ले बने लजीज व्यंजन ल परोसा जात है । जेमा स्वाद के संग सेहत के जुगलबंदी होत हाई । ए कैफे ल प्रदेश के पहिला मिलेट कैफे होय के गौरव हासिल हे , जेखर संचालन के जिम्मा पूरा महिला मन के हाथ म हे । आज एखर पहिचान म एक नवा खासियत जुड़ गेहे ।

प्रधानमंत्री नरेंद्र मोदी ह स्वयं अपन रेडियो कार्यक्रम ’मन की बात’ म एखर जिक्र कर ए मिलेट ल बढ़ावा दे के पहल ल सराहीन। वोहा देस वासी मन ल किहीन कि जब छत्तीसगढ़ के रायगढ़ जाय के मउका मिले त मिलेट कैफे जाके व्यंजन के आनंद ल जरूर उठाए। ए कैफे म रागी ले बने पास्ता, चीला, इडली, मंचूरियन, मोमोज, पिज्जा, नूडल, दोसा, कोदो ले बने बिरयानी के स्वाद ले जा सकत हे।

उल्लेखनीय हे कि मोटा अनाज के उत्पादन अउ उपभोग ल प्रोत्साहित करे बर बछर 2023 ल अंतर्राष्ट्रीय मिलेट ईयर के रूप म मनाए जात हे। गौरतलब हे कि मुख्यमंत्री भूपेश बघेल के नेतृत्व म छत्तीसगढ़ म रागी, कोदो, कुटकी जइसे मोटा अनाज अउ लघु धान्य फसल के पैदावार बढ़ाय, एखर खरीदी के अच्छी व्यवस्था सुनिश्चित करे अउ एखर प्रोसेसिंग कर एमन ल सहर के बाजार तक पहुंचाय बर मिसन-मिलेट सुरू करे गेहे ।

राज्य सरकार ह कोदो, कुटकी अउ रागी के समर्थन मूल्य तय करे के संगेसंग राजीव गांधी किसान न्याय योजना के दायरा म एमन ल घलो सामिल करे हे । प्रदेस के 14 जिला ल ए मिसन में सामिल करे गेहे । एखर बर इंडियन इंस्टिट्यूट ऑफ मिलेट रिसर्च हैदराबाद ले एमओयू करे गेहे ।