chhattisgarh : सीएम भूपेश बघेल ह चंदूलाल चंद्राकर के पुण्यतिथि म करीन नमन, पढ़व
जय जोहार…. (chhattisgarh) मुख्यमंत्री भूपेश बघेल ह छत्तीसगढ़ के प्रखर पत्रकार अउ पूर्व सांसद स्वर्गीय चंदूलाल चंद्राकर के 2 फरवरी के पुण्यतिथि म ओमन ल नमन करे हे। सीएम श्री बघेल ह किहीन कि छत्तीसगढ़ के माटी पुत्र चंदूलाल जी ह लोकसभा म सांसद रहत हुये महत्वपूर्ण विभाग के मंत्री पद के दायित्व ल सम्हालत हुुये देस अउ प्रदेस के सेवा करीन । छत्तीसगढ़ राज्य निर्माण सर्वदलीय मंच के अध्यक्ष के रूप म वो हा छत्तीसगढ़ राज्य आंदोलन ल नवा दिसा प्रदान करीन।
सीएम श्री बघेल ह किहीन कि चंदूलाल जी ह मूल्य आधारित निष्पक्ष अउ निर्भीक पत्रकारिता बर घलो जाने जावत हे । (chhattisgarh) कई ठीन ज्वलंत मुद्दा म वो हा निडरता ले आवाज उठाइन । वो हा अपन प्रखर व्यक्तित्व अउ निर्भीक पत्रकारिता ले देस म छत्तीसगढ़ के नाव ल रोशन करीन।
सीएम श्री बघेल ह किहीन कि राज्य सरकार ह ओखर स्मृति म पत्रकारिता के क्षेत्र म चंदूलाल फेलोशिप स्थापित करे हे, (chhattisgarh) ताकि पत्रकारिता के अवइया पीढ़ी तक ओखर संस्कार जा सके। मातृभूमि बर सेवा भावना, ओखर अमूल्य विचार नवा पीढ़ी ल हमेसा प्रेरित करत रही ।
