chhattisgarh : केंद्रीय बजट ले किसान, महिला, युवा, बेराजगार अउ मनखे म घोर निराशा- कांग्रेस
जय जोहार । (chhattisgarh) प्रदेस कांग्रेस अध्यक्ष मोहन मरकाम ह केन्द्रीय बजट म प्रतिक्रिया व्यक्त करत हुये किहीन कि ए घांव के बजट ह घलो प्रमाणित करे हे कि मोदी सरकार के प्राथमिकताओं म केवल चंद पूजीपति मन के हित हे। सूटकेस ले पोटली अउ पोटली ले डिजिटल बजट, फोकस केवल कार्पोरेट के मुनाफा म ।
पूंजीपति मन ल राहत दे बर कार्पोरेट टैक्स 18 प्रतिसत से घटाके 15 प्रतिसत अउ टैक्स म सरचार्ज 12 प्रतिसत ले घटाके 7 प्रतिसत करे गेहे, (chhattisgarh) लेकिन आम मनखे मन बर इंकम टैक्स स्लेब म कोनो राहत नई। मोदी सरकार के आज के ए बजट म घलो आयकर एक्जंम्प्शन लिमिट ल एक रुपिया घलो नई बढ़ाये गेहे ।
प्रदेस कांग्रेस अध्यक्ष मोहन मरकाम ह किहीन कि यूपीए सरकार के बेरा ले ही 2.5 लाख के लिमिट रिहीन, जेन आज तक यथावत हे । आयकर स्लैब म छूट के उम्मीद आम करदाता ल रिहीन, लेकिन इहां घलो मोदी सरकार ह निराश करीन। (chhattisgarh) बजट 1 बच्छर बर होवत हे, फेर 25 बच्छर के झांसा कोरी लफ्फाजी के सिवाय कुछ घलो नई । ए घाँव घलो आम मनखे ल बजट म कुछ नई मिले हे । आज के बजट ले किसान, महिला, युवा, बेराजगार और आम मनखे म घोर निराशा हे।
