chhattisgarh : सीएम भूपेश बघेल ह स्वतंत्रता संग्राम सेनानी लाल श्याम शाह के जयंती म करीन नमन

जय जोहार । (chhattisgarh) मुख्यमंत्री भूपेश बघेल ह आज स्वतंत्रता संग्राम सेनानी स्वर्गीय लाल श्याम शाह के जयंती म ओमन ल नमन करीन हे । मुख्यमंत्री ह आज अपन निवास कार्यालय म ओखर चित्र म माल्यार्पण कर ओमन ल नमन करीन । ए अवसर म नगरीय प्रशासन अउ विकास मंत्री डॉ शिवकुमार डहरिया घलो उपस्थित रिहीन ।

(chhattisgarh) सीएम श्री बघेल ह किहीन कि स्वर्गीय लाल श्याम शाह ह राजनांदगांव जिला के पानबरसा के निवासी रिहीस । वो हा सीपी एन्ड बरार के बेरा सांसद अउ विधायक के रूप म प्रदेश अउ देश के सेवा करीन । छत्तीसगढ़ राज्य निर्माण आंदोलन म घलो सक्रिय रिहीस । मध्य भारत के स्वर्गीय लाल श्याम शाह ह बड़का आदिवासी नेता रिहीस । क्षेत्र अउ प्रदेश के विकास म ओखर योगदान ल कभू भुलाय नई जा सकत।