chhattisgarh : मुख्यमंत्री ह पूर्व प्रधानमंत्री स्व. लाल बहादुर शास्त्री के जयंती म करीन नमन

जय जोहार। (chhattisgarh) मुख्यमंत्री भूपेश बघेल ह 2 अक्टूबर के पूर्व प्रधानमंत्री स्व. लाल बहादुर शास्त्री के जयंती म ओमन ल नमन करीन हे । वो हा अपन संदेश म किहीन कि शास्त्री जी ह सादगी ले जिनगी जिया अउ अपन पूरा जिनगी गरीब के सेवा म अर्पित कर दीन ।

वास्तव म पूर्व प्रधानमंत्री स्व. लाल बहादुर शास्त्री ह सच्चा गांधीवादी रिहीन । वोहा भारतीय स्वाधीनता संग्राम म ओखर महत्वपूर्ण योगदान रिहीन । वोहा बछर 1965 के भारत-पाकिस्तान युद्ध के बेरा देस ल कुसल नेतृत्व प्रदान करीन अउ ‘जय जवान-जय किसान’ के नारा देके जनता के मनोबल बढ़ाइन।सीएम श्री बघेल ह किहीन कि शास्त्री जी जइसे कर्मयोगी सदा मनखे मन ल प्रेरित करत रही ।