chhattisgarh : मुख्यमंत्री भूपेश बघेल ह महात्मा ज्योतिबा फुले के जयंती म करीन नमन

जय जोहार । (chhattisgarh) मुख्यमंत्री भूपेश बघेल ह समाज सुधारक, विचारक, लेखक ज्योतिबा फुले के जयंती म ओमन ल नमन करीन हे । सीएम श्री बघेल ह किहीन कि ज्योतिबा फुले ह भारतीय समाज म प्रचलित जाति व्यवस्था अउ ओ मा आधारित भेदभाव के प्रबल विरोधी रिहीन ।

वो हा महिला अउ दलित के उत्थान बर कई ठीन काम करीन । (chhattisgarh) महात्मा फुले ह महिला शिक्षा ल बढ़ावा देहे । वो हा अपन धर्मपत्नी सावित्रीबाई फुले ल घलो शिक्षा दिलाईन, जेखर ले भारत के पहला अध्यापिका बने रिहीन । दलित के प्रति भेद-भाव ल समाप्त कर ओमन ल समाज म स्थान दिलाय बर महात्मा फुले ह सत्यशोधक समाज के स्थापना करीन ।

सीएम श्री बघेल ह किहीन कि महात्मा फुले ह समाज ल अंधविश्वास अउ कुप्रथा ले मुक्त करे ल चाहत रिहीन । (chhattisgarh) वो हा समाज ल कुरीतियों ले मुक्ति दिलाय बर सबो वर्ग के शिक्षा बर बल देहे। मुख्यमंत्री ह किहीन कि महात्मा ज्योतिबा फुले के सेवा भावना अउ विचार मूल्य ह हमन ल सदा दीन-दुखी के सेवा अउ समाज म समता स्थापित करे बर प्रेरित करत रही ।