Raipur : मुख्यमंत्री ह पंडित रविशंकर शुक्ल अउ विद्याचरण शुक्ल के जयंती म करीन नमन
जय जोहार । (Raipur) मुख्यमंत्री भूपेश बघेल ह आज अपन निवास कार्यालय म अविभाजित मध्यप्रदेश के प्रथम मुख्यमंत्री पंडित रविशंकर शुक्ल अउ पूर्व केन्द्रीय मंत्री विद्याचरण शुक्ल के जयंती म ओखर चित्र म पुष्प अर्पित कर ओमन ल नमन करीन ।
(Raipur) मुख्यमंत्री ह पंडित शुक्ल के छत्तीसगढ़ म योगदान ल याद करत हुये किहीन कि भारतीय स्वतंत्रता संग्राम के राष्ट्रीय आंदोलन म वोहा शीर्ष भूमिका निभाईन। वोहा छत्तीसगढ़ म देश के आजादी बर जन-जागरूकता लाय के महत्वपूर्ण काम करीन । रविशंकर जी अच्छा वकील, राजनेता होय के संग ही अच्छा वक्ता अउ लेखक घलो रिहीस । वोहा स्वतंत्रता के बाद रियासत के विलय म महत्वपूर्ण योगदान दीन ।
(Raipur) मुख्यमंत्री श्री बघेल ह विद्याचरण शुक्ल ल याद करत हुये कहा कि कुशल राजनेता अउ प्रशासक के रूप म विद्याचरण जी जाने जात हे । वोहा केन्द्रीय मंत्री के रूप म कई बछर तक छत्तीसगढ़ के प्रतिनिधित्व करीन । भारत सरकार के मंत्री के रूप म वोहा संचार, गृह, रक्षा, वित्त, योजना, विदेश, संसदीय कार्य मंत्रालय के महत्वपूर्ण जिम्मेदारी संभालीन ।
