जय जोहार। (chhattisgarh) मुख्यमंत्री भूपेश बघेल ह आज दुर्ग जिला के पाटन विकासखण्ड के ग्राम ठाकुराईन टोला म महाशिवरात्रि के पावन अवसर म भगवान भोलेनाथ के दर्शन कर क्षेत्र वासी मन ल 31 करोड़ 63 लाख रुपिया के कई ठीननिर्माण काम के सौगात दीन। एमा 19 करोड़ 40 लाख रुपिया के लागत ले बनइया लक्ष्मण झूला अउ 2 करोड़ 75 लाख के लागत ले बनइया खारुन नदी के तटबंध घलो सामिल हे ।
सोनपुर म एक करोड़ 40 लाख के लागत ले बनइया ग्लेजिंग यूनिट के भूमिपूजन घलो करीन। (chhattisgarh) मुख्यमंत्री ह ठाकुराईन टोला म ही क्रेडा के सामुदायिक सिंचाई योजना के लोकार्पण घलो करे हे। ऐखर आलावा वो हा 6 करोड़ 86 लाख के स्वास्थ्य ले संबंधित आने आने काम के लोकार्पण घलो करीन।
ए मउका म मुख्यमंत्री भूपेश बघेल ह पाटन ले छत्तीसगढ़ भवन अउ अन्य सन्निर्माण कर्मकार कल्याण मण्डल के नोनी सशक्तिकरण योजना के सुभारंभ करत हुये 16 हितग्राही बेटी ल 20-20 हजार रुपिया के चेक ल सौंपे हे। (chhattisgarh) पाटन ले सुरु ए योजना के तहत श्रमिक परिवार के बेटी मन के शिक्षा, रोजगार, स्वरोजगार अउ विवाह म सहायता बर छत्तीसगढ़ भवन अउ अन्य सन्निर्माण कर्मकार कल्याण मण्डल म पंजीकृत हितग्राही मन ल पहला दो बेटी के बैंक खाता म 20-20 हजार रुपिया के राशि के भुगतान ल एकमुश्त करे जाही।
मुख्यमंत्री भूपेश बघेल ह ठाकुराईन टोला म 19 करोड़ 40 लाख रुपिया के लागत बनइया लक्ष्मण झूला के भूमि पूजन करीन । ये लक्ष्मण झूला 225 मीटर लंबा होही। एखर बने ले भक्त मन ल भगवान शिव के दर्शन करे म आसानी होही।
No Comment! Be the first one.