जय जोहार। रायपुर (Raipur ) ग्रामीण विधानसभा क्षेत्र म आयोजित भेंट-मुलाकात कार्यक्रम के तहत मुख्यमंत्री भूपेश बघेल ह आज मोवा म पाम-बेलाजियो अपार्टमेंट के सामने 1000 सीटर गारमेंट फैक्ट्री के भूमिपूजन करीन। शहरी आजीविका आवर्धन बर महिला गारमेंट फैक्ट्री म कोनो महिला जेमन ल बेसिक टेलरिंग के ज्ञान हे, आइसन महिला इंहा काम कर सकही। इंहा सिलाई काम सीखे के इक्छुक महिला मन ल ट्रेनिंग के बाद काम दे जाही, एखर कुल लागत करीबन 15 करोड़ रुपिया होही।
ए अवसर म जिला के प्रभारी मंत्री रविन्द्र चौबे, रायपुर ग्रामीण विधायक सत्यनारायण शर्मा, नगर निगम रायपुर महापौर एज़ाज़ ढेबर, जिला केंद्रीय सहकारी बैंक के अध्यक्ष पंकज शर्मा, नगर निगम सभापति प्रमोद दुबे, कलेक्टर डॉ. सर्वेश्वर भुरे, वरिष्ठ पुलिस अधीक्षक प्रशांत अग्रवाल, निगम आयुक्त मयंक चतुर्वेदी उपस्थित रिहीन ।
शहरी आजीविका आवर्धन बर रायपुर नगर निगम डहार ले महिला गारमेंट फैक्ट्री स्थापना काम रायपुर ग्रामीण विधानसभा क्षेत्र म करे जावत हे। ए गारमेंट फैक्ट्री म 1000 सिलाई मशीन लगाके अपन मेहनत अउ सासन के सहयोग ले कपड़ा के एक ठन अइसा ब्रांड तईयार करही , जेखर ले महिला ल रोजगार के संग आगू बढ़े के अवसर प्राप्त होही । एखर तहत योजनाबद्ध ढंग ले कपड़ा के फैक्ट्री तईयार करे बर महिला ल सिलाई के प्रसिक्षण दे जाही ।
No Comment! Be the first one.