chhattisgarh : सीएम भूपेश बघेल ह गोबर विक्रेता, गौठान समिति अउ समूह ल जारी करीन 2.37 करोड़ के रासि, पढ़व

जय जोहार…. (chhattisgarh ) मुख्यमंत्री भूपेश बघेल ह आज अपन निवास कार्यालय म गोधन न्याय योजना के रासि अंतरण के ऑनलाईन कारीकरम म गौठान म गोबर बेचइया पशुपालक, ग्रामीण, गौठान समिति अउ महिला स्व-सहायता समूह ल 2 करोड़ 37 लाख रुपिया के रासि जारी करीन। जेमा गोबर विक्रेता मन ल 2 करोड़ 6 लाख रुपिया, गौठान समिति अउ महिला समूह ल लाभांस 31 लाख रुपिया सामिल हे।

ए अवसर म (chhattisgarh ) सीएम बघेल ह किहीन कि गोबर ले गौठान म बनइया वर्मी कम्पोस्ट अउ सुपर कम्पोस्ट खाद, रासासनिक खाद का ससक्त विकल्प बने हे। वो हा किहीन कि जब पूरा देस म रासायनिक खाद ल लेके मारामारी के स्थिति रिहीस, ओ बेरा छत्तीसगढ़ महतारी, गौ-माता अउ माता कौशल्या के कृपा ले छत्तीसगढ़ राज्य एखर ले अछूता रिहीस। डीएपी के कमी ल छत्तीसगढ़ ह गौठान म बनी वर्मी कम्पोस्ट, सुपर कम्पोस्ट खाद ले पूरा करीन।

ए अवसर म (chhattisgarh ) कृषि मंत्री रविन्द्र चौबे, गौ सेवा आयोग के अध्यक्ष डॉ. महंत राम सुंदर दास, आयोग के सदस्य, मुख्यमंत्री के सलाहकार प्रदीप शर्मा, अपर मुख्य सचिव सुब्रत साहू उपस्थित रिहीन।