chhattisgarh के दीवार ह अब गोबर ले बने प्राकृतिक पेंट म रंगे आही नज़र, 75 चयनित गौठान म स्थापित करे जाही प्राकृतिक पेंट निर्माण के इकाई

जय जोहर…. (chhattisgarh) हमर मन के प्रदेस के दीवार घलो अब गोबर ले बने प्राकृतिक पेंट म रंगे नज़र आही। रविवार के मुख्यमंत्री निवास कार्यालय म गोबर ले प्राकृतिक पेंट बनाय के तकनीकी हस्तांतरण बर एमओयू होय हे।

ए एमओयू छत्तीसगढ़ (chhattisgarh) राज्य गौ सेवा आयोग अउ नेसनल पेपर इंस्टीट्यूट जयपुर, खादी अउ ग्रामोद्योग आयोग, सूक्ष्म ,लघु अउ मध्यम उद्योग मंत्रालय भारत सरकार नई दिल्ली के मध्य होय है। पहलइया चरण म राज्य के 75 चयनित गौठान म प्राकृतिक पेंट निर्माण के इकाई ल स्थापित करे जाही।

प्राकृतिक पेंट निर्माण बर महिला स्व सहायता समूह के सदस्य अउ युवा ल कौसल प्रसिक्षण घलो नेसनल पेपर इंस्टिट्यूट जयपुर डहार ले दे जाही। (chhattisgarh) कुमाराप्पा नेसनल पेपर इंस्टीट्यूट, जयपुर के संग मिलके खादी इंडिया घलो गाय के गोबर ले बने प्राकृतिक पेंट ल लॉन्च कर चुके हे, ए बच्छर जनवरी म ये पेंट लॉन्च करे गे रिहीस।