chhattisgarh : सीएम भूपेश बघेल ह पशुपालक ग्रामीण, गौठान समिति अउ महिला स्व-सहायता समूह ल जारी करीन 4 करोड़ 21 लाख रूपिया

जय जोहार…. मुख्यमंत्री भूपेश बघेल ह किहीन कि छत्तीसगढ़ (chhattisgarh) सरकार के गोधन न्याय योजना ल पूरा देस म एक ठीन आदर्स योजना के रूप म स्वीकार करे हे। ए घांव गणतंत्र दिवस के अवसर म नई दिल्ली के राजपथ म गोधन न्याय योजना के झांकी ल देस -दुनिया के मनखे मन ह देखही। मुख्यमंत्री ह किहीन कि इस योजना ल छत्तीसगढ़ राज्य म मिशन के रूप म संचालित करे जावत हे ।

गांव म स्थापित गौठान म आजीविका के साधन ल बढ़ाय के उद्देश्य ले इहां रूरल इंडस्ट्रियल पार्क तेजी ले विकसित करे जात हे। गौठान म अब तेल मिल अउ दाल मिल ल स्थापित करे जाय के काम सुरु कर दे गेहे। (chhattisgarh)पहला चरण म राज्य के 148 ठीन गौठान म तेल मिल अउ 188 ठीन गौठान म दाल मिल के स्थापना करे जावत हे। एखर ले गौठान म आय मूलक गतिविधि ल बढ़ावा मिलही।

(chhattisgarh) मुख्यमंत्री श्री बघेल आज अपने निवास कार्यालय म आयोजित गोधन न्याय योजना के रकम अंतरण कारीकरम ल संबोधित करत रिहीन। मुख्यमंत्री ह ए मउका म पशुपालक ग्रामीण, गौठान समिति अउ गौठाान ले जुड़े महिला स्व-सहायता समूह ल 4 करोड़ 21 लाख रुपिया के रासि ल ऑनलाइन भुगतान करीन। जेमा बीते एक ठीन पखवाड़ा म ख़रीदे गोबर के एवज म 2 करोड़ 76 लाख रुपिया गौठान समिति को 87 लाख रुपिया अउ महिला स्व-सहायता समूह ल 58 लाख रुपिया के लाभांस रासि सामिल हे।