CM Bhupesh Baghel ह कॉफी टेबल पुस्तक के करीन विमोचन

जय जोहार। मुख्यमंत्री भूपेश बघेल ह आज यहां अपन निवास कार्यालय म छत्तीसगढ़ राज्य हथकरघा विकास अउ विपणन संघ डहार ले तैयार करे गे कॉफी टेबल पुस्तक के विमोचन करीन । ए अवसर म ग्रामोद्योग विभाग के प्रमुख सचिव डॉ. आलोक शुक्ला अउ हथकरघा संघ की प्रबंध संचालक रेखा शुक्ला घलो उपस्थित रिहीन ।

मुख्यमंत्री ह पुस्तक के प्रकाशन म ग्रामोद्योग विभाग के प्रमुख सचिव डॉ. शुक्ला अउ हथकरघा संघ के प्रबंध संचालक रेखा शुक्ला ल बधाई दीन। सीएम ह किहीन कि ये कॉफी टेबल पुस्तक छत्तीसगढ़ के हथकरघा वस्त्र के प्रचार-प्रसार म बड़ अकन उपयोगी साबित होही ।

प्रबंध संचालक रेखा शुक्ला ह बताइन कि ए पुस्तक के नाव् ‘मंगठा’ रखे गेहे । छत्तीसगढ़ी भाखा म हथकरघा ल ‘मंगठा’ घलो कहत हन । ए पुस्तक म छत्तीसगढ़ म बुने जवइया कोसा, खादी अउ कॉटन के साड़ी के निर्माण प्रक्रिया के पूरा जानकारी अउ विभिन्न प्रकार के साड़ी ल सुंदर चित्र के माध्यम ले दर्शाए गेहे । ये पुस्तक ह छत्तीसगढ़ के हैंडलूम बुनकर ल समर्पित हे , पूरा देश म छत्तीसगढ़ हैंडलूम के प्रचार-प्रसार म एखर बड़ अकन अच्छा उपयोग होही ।