CM Bhupesh Baghel ह पं. माखनलाल चतुर्वेदी के जयंती म करीन याद

जय जोहार। सीएम भूपेश बघेल (CM Bhupesh Baghel) ह सुप्रसिद्ध कवि, लेखक अउ पत्रकार ’पद्मभूषण’ पं. माखनलाल चतुर्वेदी के 4 अप्रैल के जयंती म ओमन ल नमन करीन हे । सीएम श्री बघेल ह पं. चतुर्वेदी ल याद करत हुए किहीन कि ओखर रचना म प्रकृति प्रेम के संग त्याग, बलिदान अउ देश भक्ति के अनूठा संगम दिखाई देत हे ।

वोहा अपन प्रभावशाली लेखनी के माध्यम ले मनखे मन म राष्ट्र-प्रेम के भावना ल जागृत कर ओमन ल आजादी के लड़ाई म सक्रिय सहयोग बर प्रेरित करीन । ओखर डहार ले स्वतंत्रता संग्राम के दउरान बिलासपुर के सेन्ट्रल जेल म लिखे गे लोकप्रिय रचना ’’पुष्प की अभिलाषा’’ देशभक्ति ले ओतप्रोत कर जात हे । सीएम श्री बघेल ह किहीन कि पं. माखनलाल चतुर्वेदी जी के रचना हर पीढ़ी ल प्रेरित करत रही ।