chhattisgarh : मुख्यमंत्री भूपेश बघेल ह सहकारिता के क्षेत्र म उत्कृष्ट काम करइया संस्था ल करीन पुरस्कृत
जय जोहार । (chhattisgarh ) मुख्यमंत्री भूपेश बघेल ह आज राजधानी रईपुर के पंडित दीनदयाल उपाध्याय ऑडिटोरियम म राष्ट्रीय सहकारी सम्मेलन अउ राष्ट्रीय पुरस्कार वितरण समारोह म सहकारिता के क्षेत्र म उत्कृष्ट काम करइया सहकारी संस्था ल पुरस्कृत करीन ।
(chhattisgarh ) मुख्यमंत्री भूपेश बघेल ह स्टेट कोआपरेटिव बैंक केटेगरी म ओवर ऑल परफोर्मेंस बर तमिलनाडु स्टेट अपेक्स के ऑपरेटिव बैंक चेन्नई ल प्रथम, आंध्रप्रदेश स्टेट के ऑपरेटिव बैंक विजयवाड़ा ल द्वितीय अउ तेलंगाना स्टेट अपेक्स के ऑपरेटिव बैंक हैदराबाद ल तृतीय पुरस्कार प्रदान करीन । ए मउका म वो हा आंध्रप्रदेश के अध्यक्ष श्रीमती एम.झांसीरानी अउ एमडी अपेक्स बैंक आंध्रप्रदेश डॉ.रेड्डी ल विशेष पुरस्कार प्रदान करीन । समारोह म छत्तीसगढ़ राज्य सहकारी बैंक के अध्यक्ष बैजनाथ चंद्राकर ल सहकारिता के क्षेत्र में उत्कृष्ट योगदान बर विशेष पुरस्कार प्रदान करे गेहे।
एखर आलावा स्टेट कोऑपरेटिव बैंक ओवर ऑल परफोर्मेंस अवार्ड के प्रथम पुरस्कार केरल स्टेट कोऑपरेटिव बैंक तिरूवनन्तपुरम, द्वितीय पुरस्कार असाम कोऑपरेटिव अपेक्स बैंक गोहाटी अउ तृतीय पुरस्कार सिक्कीम स्टेट कोऑपरेटिव बैंक गंगटोक ल दे गेहे । डिस्ट्रिक्ट सेंट्रल कोऑपरेटिव बैंक के कैटेगरी म बेस्ट परफोर्मेंस का प्रथम पुरस्कार संयुक्त रूप ले करीम नगर डिस्ट्रिक्ट कोऑपरेटिव सेंट्रल बैंक तेलंगाना अउ कर्नाटका सेंट्रल कोऑपरेटिव बैंक धारवाड, द्वितीय पुरस्कार संयुक्त रूप ले अहमदाबाद डिस्ट्रिक्ट कोऑपरेटिव बैंक गुजरात अउ श्री राजकोट डिस्ट्रिक्ट सेंट्रल कोऑपरेटिव बैंक गुजरात अउ तृतीय पुरस्कार सालेम डिस्ट्रिक्ट सेंट्रल कोऑपरेटिव बैंक तमिलनाडु ल प्रदाय करे गेहे ।
