जय जोहार। (chhattisgarh ) मुख्यमंत्री भूपेश बघेल ह आज कांकेर जिला के तहसील मुख्यालय चारामा म आयोजित राजीव मितान क्लब सदस्य अउ महिला शक्ति सम्मेलन म सामिल होइन हे । ए अवसर म सीएम ह 183 करोड़ 6 लाख रुपिया के विकास काम के लोकार्पण अउ भूमिपूजन करीन, एमा 64 करोड़ 22 लाख रुपिया के 35 ठीन विकास काम के भूमिपूजन अउ 118 करोड़ 84 लाख रुपिया के 40 ठीन काम के लोकार्पण सामिल हे ।
ए अवसर म मुख्यमंत्री भूपेश बघेल ह किहीन कि (chhattisgarh ) राज्य सरकार ह मनखे मन के सबो मूलभूत सुविधा- सड़क, बिजली, पानी, स्वास्थ्य, शिक्षा ल मुहैया कराय बर गंभीरता ले काम करत हे । कुपोसण ल दूर करे बर लईका अउ माता ल गर्म भोजन प्रदान करे जात हे। मुख्यमंत्री हाट-बाजार क्लिनिक योजना ले हाट-बाजार म मरीज ल उपचार मिलत हे, एखर सुरुवात बस्तर संभाग ले होय रिहीन , जेला पूरा राज्य म क्रियान्वित करे गेहे।
मलेरिया मुक्त बस्तर अभियान के घलो सार्थक परिणाम मिले हे , एखर ले उल्टी-दस्त, मलेरिया के प्रकरण म उल्लेखनीय कमी पाय गेहे। वो हा किहीन कि मनखे मन ल सस्ता दर पर ब्रान्डेड दवाई उपलब्ध कराय बर श्री धन्वंतरी मेडिकल स्टोर्स खोले गेहे। शिक्षा के क्षेत्र म घलो विशेष ध्यान दे जात हे । सबो विकासखण्डों म स्वामी आत्मानंद अंग्रेजी माध्यम विद्यालय खोले गेहे , अब जिला म उत्कृष्ट हिन्दी माध्यम विद्यालय खोले जात हे । कांकेर म मेडिकल कॉलेज के स्थापना बड़का उपलब्धि हे , इहां डॉक्टर के कमी ल नई होय दे जाही ।
No Comment! Be the first one.