chhattisgarh : सीएम भूपेश बघेल ह वीरांगना रानी लक्ष्मीबाई के बलिदान ल करीन नमन

जय जोहार। (chhattisgarh ) मुख्यमंत्री भूपेश बघेल ह आज रईपुर के अपन निवास कार्यालय म वीरांगना रानी लक्ष्मी बाई के बलिदान दिवस म ओखर चित्र म पुष्प अर्पित कर ओखर वीरता, साहस अउ देसभक्ति ल नमन करीन।

वो हा किहीन कि झांसी के रानी ह सच्चे अर्थ म वीरांगना रिहीन, जेमन ह मातृ भूमि बर अपन प्राण के आहुति दीन। मुख्यमंत्री ह किहीन कि रानी लक्ष्मी बाई सौर्य अउ नारी सक्ति के मिसाल हैं, ओखर व्यक्तित्व केवल महिला मन बर ही नई पूरा समाज अउ देस बर प्रेरणा स्रोत हे ।