corona : देस म 24 घंटा म बाढ़गे कोरोना के 13000 ले जादा नवा मामला, पढ़व

जय जोहार। (corona ) देस म बीते 24 घंटा म कोरोना के 13000 ले जादा मरीज सामने आय हे। जबकि इलाज के दउरान 23 मरीज के मउत हो गेहे।

केंद्रीय स्वास्थ्य मंत्रालय ले जारी आकड़ा के मुताबिक देस म 24 घंटा म कोरोना (corona ) के 13079 नवा मरीज मिले हे। एला मिलाके देस म कोरोना संक्रामित मन के संख्या 4 करोड़ 32 लाख ले जादा हो गेहे। जेमा ले 66701 ले जादा एक्टिव मामला हे।

उहें (corona ) 4 करोड़ 26 लाख ले जादा मरीज ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे। ए वायरस ले देस म अब तक 5 लाख 24 हजार मनखे मन के मउत हो गेहे ।