chhattisgarh : मुख्यमंत्री भूपेश बघेल ह केन्द्रीय पेट्रोलियम मंत्री हरदीप सिंह पुरी ल लिखीन पत्र, प्रदेस म पेट्रोल अउ डीजल के नियमित सप्लाई करे के करीन आग्रह
जय जोहार। (chhattisgarh) मुख्यमंत्री भूपेश बघेल ह केन्द्रीय पेट्रोलियम अउ प्राकृतिक गैस मंत्री हरदीप सिंह पुरी ल पत्र लिखे हे। ए पत्र म सीएम ह छत्तीसगढ़ के किसान अउ नागरिक मन ल पेट्रोल-डीजल के कमी ले होवत समस्या ले अवगत करात छत्तीसगढ़ के साबो पेट्रोलियम कंपनी के डिपो म पेट्रोल-डीजल के नियमित सप्लाई करे के आग्रह करीन हे ।
मुख्यमंत्री ह पत्र म लिखे हे कि विगत 1-2 महीना ले छत्तीसगढ़ राज्य म पेट्रोल, डीजल के आपूर्ति कमती हो गेहे , जेखर ले कई ठीन जिला के पेट्रोल पम्प ड्राई हो जावत हे । छत्तीसगढ़ (chhattisgarh) पेट्रोलियम डीलर वेलफेयर एसोसिएशन डहार ले घलो अवगत कराये गेहे कि मेसर्स हिन्दुस्तान पेट्रोलियम कार्पाेरेशन लिमिटेड के छत्तीसगढ़ म 750 रिटेल आउटलेट हैं, जेमा पेट्रोल, डीजल के नियमित सप्लाई नई होय ले कई दिन बंद के स्थिति रहत हे ।
मुख्यमंत्री ह पत्र म लिखे हे कि छत्तीसगढ़ (chhattisgarh) कृषि प्रधान राज्य हे , मानसून के आय ले कृषि काम प्रगति म हे , किसान मन ल डीजल नई मिल पाय ले खेती के काम म दिक्कत होत हे । संगेसंग ग्रामीण अंचल म डीजल नई मिल पाय ले अति आवश्यक सेवा एम्बुलेंस परिवहनअउ आम जनता ल कठिनाई के सामना करे ल पड़त हे । डीजल अउ पेट्रोल नियमित रूप ले नई मिले ले कृषि काम पिछड़ जाही , जेखर ले आम जनता ल आर्थिक नुकसान उठाना पड़ही । ग्रामीण अंचल के रिटेल आउटलेट ल एडवांस भुगतान के बाद घलो डीजल अउ पेट्रोल के सप्लाई नई करे जात हे ।
