जय जोहार । (chhattisgarh) मुख्यमंत्री भूपेश बघेल ह आज अपन निवास कार्यालय म आयोजित बइठक म स्वास्थ्य-परिवार कल्याण अउ चिकित्सा शिक्षा विभाग के काम के समीक्षा करीन। ए दउरान सीएम ह मुख्यमंत्री हाट-बाजार क्लिनिक योजना के क्रियान्वयन के सराहना करीन अउ एखर दूरस्थ अंचल के हाट-बाजार म नियमित आयोजन करे ल किहीन ।
वो हा भिलाई के चंदूलाल चन्द्राकर स्मृति चिकित्सा महाविद्यालय के अधिग्रहण के काम म तेजी लाय के निर्देश देहे। (chhattisgarh) मुख्यमंत्री ह मलेरिया मुक्त छत्तीसगढ़ अभियान के तरह सिकलसेल के जांच अउ उपचार बर घलो अभियान के कार्ययोजना बनाय ल किहीन । स्वास्थ्य अउ चिकित्सा शिक्षा मंत्री टी.एस. सिंहदेव अउ मुख्य सचिव अमिताभ जैन घलो समीक्षा बइठक म मौजूद रिहीन ।
स्वास्थ्य अउ चिकित्सा शिक्षा विभाग के प्रमुख सचिव डॉ. मनिन्दर कौर द्विवेदी ह बताइन कि आयुष्मान भारत प्रधानमंत्री जन आरोग्य योजना डॉ. खूबचंद बघेल स्वास्थ्य सहायता योजना के अंतर्गत पिछले चार बछर म प्रदेश के शासकीय अस्पताल ल कुल 493 करोड़ रुपिया ले जादा के इलाज के दावा के भुगतान करे गेहे ।
समीक्षा बइठक म मुख्यमंत्री के अपर मुख्य सचिव सुब्रत साहू, सचिव सिद्धार्थ कोमल परदेशी अउ डॉ. एस. भारतीदासन, उप सचिव सौम्या चौरसिया, स्वास्थ्य विभाग के सचिव शहला निगार, आयुक्त डॉ. सी.आर. प्रसन्ना, स्वास्थ्य सेवा के संचालक नीरज बंसोड़, चिकित्सा शिक्षा विभाग के संचालक डॉ. विष्णु दत्त, राष्ट्रीय स्वास्थ्य मिशन के संचालक डॉ. प्रियंका शुक्ला अउ सीजीएमएससी के प्रबंध संचालक अभिजीत सिंह घलो उपस्थित रिहीन ।
