प्रदेश म सुरू होइस मुख्यमंत्री सुगम सड़क योजना, सीएम ह करिन शुभारंभ
जय जोहार…. मुख्यमंत्री भूपेश बघेल ह आज इहां अपन निवास कार्यालय म मुख्यमंत्री सुगम सड़क योजना के शुभारंभ करिन। ए योजना के माध्यम ले प्रदेश के सब्बो शासकीय भवन अऊ सार्वजनिक स्थल तक पहुंचे म अब आसानी होही।
ए योजाना ल प्रदेश के अइसे सब्बो शासकीय शाला, चिकित्सालय, कालेज, आंगनबाड़ी भवन, उचित मूल्य के दुकान अऊ आन शैक्षणिक संस्था ह जेन मुख्य मार्ग ले पक्की सड़क ले नई जुड़े रहिस, वे सब्बो पक्का अऊ बारहमासी मार्ग ले जुड़ही। ए अवसर पर गृह अऊ लोक निर्माण मंत्री ताम्रध्वज साहू ह उपस्थित रहिस।
ए अवसर पर सीएम भूपेश बघेल ह कहिन कि आज के दिन ह महत्वपूर्ण हे, हमर मन के राष्ट्रीय नेता राहुल गांधी के जन्मदिन हे, लेकिन भारत-चीन के सीमा म लद्दाख म शहीद हुये जवान मन के याद म आज सेवा के कार्य ल करना हे। हमर मन के कार्यकर्ता ह सेवा कार्य म लगे हुये हे।
वो हा कहिन कि ए योजना के खाती सार्वजनिक स्थल जइसे हाट बाजार, मेला स्थल, धान संग्रहण केन्द्र, श्मशान घाट अऊ कई महत्वपूर्ण सार्वजनिक उपयोग के केन्द्र ह जेन बारहमासी सड़क ले नई जुड़े हे, अइसे सब्बो सार्वजनिक स्थल अऊ भवन ल प्राथमिकता ले लोक निर्माण विभाग के तरफ ले बारहमासी पहुंच मार्ग के निर्माण कर जोड़े जाही।
