chhattisgarh : सीएम भूपेश बघेल ह आज जाही पाटन अउ राजिम के दौरा म, राजिम माघी पुन्नी मेला म होही सामिल
जय जोहार। (chhattisgarh) मुख्यमंत्री भूपेश बघेल ह 1 मार्च के दुर्ग जिला के पाटन विकासखंड अउ छत्तीसगढ़ के प्रसिद्ध तीर्थ राजिम के दौरा म जाही। मुख्यमंत्री ह महाशिवरात्रि पर्व के अवसर म पाटन विकासखण्ड के ग्राम ठकुराईन टोला अउ ग्राम कौही के शिव मंदिर म पूजा-अर्चना करही अउ राजिम म राजिम माघी पुन्नी मेला म सामिल होही।
मुख्यमंत्री श्री बघेल ह निर्धारित कारीकरम के (chhattisgarh) अनुसार रईपुर ले मंझनिया 12.40 बजे हेलीकॉप्टर ले रवाना होके 12.55 बजे दुर्ग जिला के पाटन पहुंचही अउ 1 बजे ठकुराईन टोला म भगवान शिव के दर्शन करे के बाद उहां बनइया लक्ष्मण झूला, ठकुराईन टोला म बनइया नदी तट बंद अउ सोनपुर ग्लेजिंग यूनिट के भूमिपूजन करही।
इहां मुख्यमंत्री ह गुरू घासीदास जयंती समारोह म घलो सामिल होही। मुख्यमंत्री श्री बघेल ह अपरान्ह 3 बजे पाटन विकासखंड के ग्राम खम्हरिया म नाला ब्रिज के सुभारंभ करे के बाद 3.15 बजे रवाना होके 3.30 बजे ग्राम कौही पहुंचही । मुख्यमंत्री ह इहाँ शिव मंदिर म पूजा अर्चना के बाद जल संसाधन विभाग के कई ठीन काम के भूमिपूजन करही ।
(chhattisgarh) सीएम श्री बघेल ह पाटन आके इहां ले संझा 4.25 बजे हेलीकॉप्टर ले रवाना होके 4.45 बजे राजिम पहुंचही । सीएम श्री बघेल संझा 5 बजे राजिम माघी पुन्नी मेला म सामिल होही अउ कारीकरम के बाद रात्रि 8.15 बजे कार ले रवाना होके 9.15 बजे रईपुर एयरपोर्ट पहुंचही।
