chhattisgarh : मुख्यमंत्री भूपेश बघेल ह गोधन न्याय योजना के हितग्राही मन ल करीन 15.37 करोड़ के रासि ट्रांसफर

जय जोहार । ( chhattisgarh) मुख्यमंत्री भूपेश बघेल ह आज कांकेर म वीडियो कॉन्फ्रेंसिंग ले आयोजित कारीकरम म गोधन न्याय योजना के हितग्राही मन ल 15.37 करोड़ के रासि ल ट्रांसफर करीन । ए अवसर म मुख्यमंत्री ह किहीन कि आज ए कारीकरम के माध्यम ले 15 करोड़ 37 लाख रुपिया के रासि के अंतरण जात हे । एमा 3 करोड़ 36 लाख रुपिया गोबर खरीदी के हे अउ 12 करोड़ 01 लाख रुपिया गोठान समिति-स्व सहायता समूह के लाभांस के रासि सामिल हे ।

मुख्यमंत्री ह किहीन कि राजीव गांधी किसान न्याय योजना, राजीव गांधी ग्रामीण भूमिहीन कृषि मजदूर न्याय योजना अउ गोधन न्याय योजना के अंतर्गत संबंधित ल रासि के वितरण ल बेरा ले करे गीन। ( chhattisgarh) कोरोना काल म घलो हमन ह ये सिलसिला टूटे ल नई दीन. ए बेरा मेहा पूरा प्रदेस के सरलग दउरा करत हों। हमन सासन के कामकाज घलो सुचारू रूप ले करत हन अउ हितग्राही मन ल भुगतान घलो बेरा म होवत हे ।

ए अवसर म कांकेर म ( chhattisgarh) महिला अउ बाल विकास मंत्री अनिला भेड़िया, संसदीय सचिव शिशुपाल सोरी, अंतागढ़ विधायक अनूप नाग, मुख्यमंत्री के सलाहकार राजेश तिवारी घलो उपस्थित रिहीन । उहें कृषि मंत्री रविंद्र चौबे ह कारीकरम ले वर्चुअल रूप ले जुड़े रिहीन ।