chhattisgarh : सीएम ह करीन बिलासपुर-भोपाल-बिलासपुर उड़ान सेवा के सुभारंभ

जय जोहार। (chhattisgarh ) मुख्यमंत्री भूपेश बघेल ह आज कांकेर ले वीडियो कॉन्फ्रेसिंग ले बिलासपुर ले भोपाल बर विमान सेवा के शुभारंभ करीन । सीएम ह चकरभाठा स्थित बिलासा देवी केंवट एयरपोर्ट म आयोजित ए कारीकरम म वर्चुअल रूप से सामिल होके विमान सेवा ल हरी झण्डी दिखाइन। कारीकरम के अध्यक्षता ल राजस्व अउ आपदा प्रबंधन मंत्री जयसिंह अग्रवाल ह करीन। बिलासपुर-भोपाल फ्लाइट ले आज 50 यात्री रवाना होइन।

(chhattisgarh ) मुख्यमंत्री ह बिलासपुर-भोपाल-बिलासपुर विमान सेवा के सुरु होय म बिलासपुर समेत प्रदेस वासी मन ल बधाई अउ सुभकामना दीन हे। मुख्यमंत्री ह किहीन कि ए नवा सेवा के लाभ पूरा छत्तीसगढ़ ल मिलही । उत्तर छत्तीसगढ़ म हवाई सेवा ह मजबूत होही। बिलासपुर एयरपोर्ट ले सुरु होवइया ये दूसरइया फ्लाइट हे, एखर पहले 1 मार्च 2021 ले दिल्ली-जबलपुर-बिलासपुर-प्रयागराज सेक्टर म नियमित घरेलू विमान सेवा के सुरूआत करे गेहे।

(chhattisgarh ) मुख्यमंत्री ह किहीन कि साढ़े तीन बछर पहले तक हवाई सेवा के नाव म सिरिफ रईपुर ल ही जाने जात रिहीन । लेकिन आज बिलासपुर अउ जगदलपुर ले घलो नियमित हवाई सेवा के संचालन होवत हे।