Raipur : मुख्यमंत्री ह 4.14 करोड़ रुपिया के रासि निवेसक मन ल करीन अंतरित

जय जोहार। (Raipur) मुख्यमंत्री भूपेश बघेल ह जिला प्रसासन रईपुर डहार ले मेडिकल कॉलेज रईपुर के सभागार म आयोजित निवेसक न्याय कारीकरम म मुख्य अतिथि के रुप म सामिल होइन। अनियमित वित्तीय कंपनी देव्यानी प्रापर्टी लिमिटेड के संपत्ति के नीलामी ले प्राप्त 4.14 करोड़ रुपिया के रासि निवेसक मन के खाता म अंतरित करे गेहे ।

ए अवसर म (Raipur) मुख्यमंत्री ह किहीन कि विपरीत परिस्थिति म राज्य सरकार ह हरेक पल निवेसक मन के संग हे। निवेसक मन ल ओखर पइसा ल कइसे वापस मिले, ए संबंध म हरेक महीना समीक्षा करे जात हे। चिटफंड कंपनी के संचालक, एजेंट ह राज्य के भोली-भाली जनता ल पैसा दुगुना, चार गुना करे के लालच म फंसाइन । मनखे मन ह ओखर जिनगी भर के कमाई, प्रॉपर्टी अउ गहना ल बेचके एमा पइसा ल लगाइन ।

(Raipur) मुख्यमंत्री ह किहीन कि छत्तीसगढ़ राज्य के आलावा दूसर कोनो राज्य म निवसक मन ल पइसा अभी तक निवेसक मन ल नई मिले हे। मुख्यमंत्री ह किहीन कि कंपनी के संचालक, एजेंट के बारे म जेन घलो जानकारी है, ओला उपलब्ध कराये । सबो के सहयोग के आवश्यकता हे । वो हा निवेसक मन के पइसा वापसी के संबंध म आने आने अधिकारी डहार ले करे जावत काम के सराहना घलो करीन ।