CM Bhupesh Baghel ह शहीद वीर नारायण सिंह के आदमकद प्रतिमा के करीन अनावरण

जय जोहार। सीएम भूपेश बघेल (CM Bhupesh Baghel) ह आज जिला मुख्यालय बलौदाबाजार के संयुक्त जिला कार्यालय परिसर म शहीद वीर नारायण सिंह के आदमकद प्रतिमा के अनावरण करीन। ए अवसर म सीएम श्री बघेल ह शहीद वीर नारायण सिंह के स्मरण करत हुए ओखर प्रतिमा म श्रद्धासुमन अर्पित करीन । कांस्य मेटल ले बने ये आदमकद मूर्ति 12 फीट ऊंचा अउ 2 टन वजन हे । ए मूर्ति ल पूर्व म स्थापित राष्ट्रपिता महात्मा गांधी अउ संविधान निर्माता डॉ. भीमराव अंबेडकर के प्रतिमा के क्रम म स्थापित करे गेहे ।

गौरतलब हे कि मुख्यमंत्री भूपेश बघेल ह 10 दिसम्बर 2020 के सोनाखान म शहादत दिवस के अवसर म आयोजित कार्यक्रम म जिला कार्यालय परिसर बलौदाबाजार म शहीद वीर नारायण सिंह के आदमकद प्रतिमा स्थापित करे के घोसना करे रिहीन। छत्तीसगढ़ के महान क्रांतिकारी, सोनाखान के माटी सपूत, जिला के शान, सन 1857 के क्रांति के प्रथम शहीद वीर नारायण सिंह के आदमकद प्रतिमा के स्थापना के न केवल जिला परिसर बल्कि पूरा प्रदेस गौरवान्वित होए हे ।